Yashirin ish qilgan yeryong‘oq sotuvchi qo‘lga olindi

Tezkor xodimlar tomonidan o‘tkazilgan tadbirda fuqaro Ravshan Hasanov (ism-familiyalar o‘zgartirilgan) o‘ziga tegishli xonadonlarning birida yashirin sex tashkil etib, gaz va elektr energiyasiga qonunga xilof ravishda ulanib, yeryong‘oqni qovurish jarayonini tashkil etib kelgani aniqlandi. Bu haqda “Huquq” nashri yozmoqda.

U bu mahsulotni bozordan arzon-garovga sotib olib, qo‘lbola yasalgan uskunalardan foydalangan holda, sanitariya qoidalariga mutlaqo to‘g‘ri kelmaydigan sharoitda, qolaversa, texnik qoidalarga ham rioya etmagan holda sifatsiz mahsulot tayyorlagan. 

Tekshiruv yakunida R.Hasanovga tegishli 6 mln. so‘mlikka yaqin tovar-moddiy boyliklar ashyoviy dalil sifatida olib qo‘yildi.