Devid va Viktoriya Bekxem Fransiyadagi villasini sotmoqda

Angliya terma jamoasi sobiq futbolchisi Devid Bekxem va uning rafiqasi Viktoriya Bekxem Fransiya janubidagi villasini sotmoqda, deb xabar bermoqda Daily Mail nashri. Juftlik villani 2,4 mln funt sterlingga sotmoqchi.

Ta'kidlanishicha, Bekxemlar oilasi bu villada juda kam bo‘ladi. Gaplarga qaraganda, villada o‘z joniga qasd qilgan uning sobiq egasining ruhi kezib yuradi. Biroq mashhur juftlik villani London va Los-Anjyelesda ko‘proq vaqt o‘tkazish uchun sotayotgani ehtimoli katta.

Viktoriya Bekxem villani 2003 yilda 1,5 mln funt sterlingga sotib olgan. Ba'zi ma'lumotlarga ko‘ra, u 19-asrga tegishli uyni yangilash uchun 5 mln funt sterling sarflagan. Shu tariqa, uyni sotishdan ko‘riladigan zarar 4 mln funt sterlingni tashkil qiladi. 

Iyulda Devid va Viktoriya turmush qurganlarining 17 yilligini nishonlashgandi.