Yuqori Avstriya federal yeridagi (mamlakatning shimoliy qismi) bolalar o‘yingohidagi podiumning qulashi tufayli to‘qqiz bola va bir nafar katta yoshli kishi turli darajada jarohat oldi. Bu haqda mahalliy OAV xabar bermoqda.
Krone nashri ma'lumotiga ko‘ra, bir bola o‘ta og‘ir jarohat olgan va vertolyot yordamida Lints shahri shifoxonasiga yetkazilgan. Qolganlarga tibbiyot xodimlari yaqinda joylashgan Shtaynkirxen shahridagi shifoxonada muolaja ko‘rsatishgan.
Ma'lum qilinishicha, podium bir guruh kishilarning suratga tushirish uchun unda yig‘ilishganidan qulagan.
Boshqa tafsilotlar keltirilmagan.