Ma'lumotlarni uzatish yagona tarmog‘i O‘zbekistonning 50ta davlat tashkilotini birlashtiradi

O‘zbekiston hukumati qabul qilgan qarorga ko‘ra, mamlakatda elektron hukumatning idoralararo ma'lumotlar uzatish tarmog‘i tashkil etiladi, deb xabar qilmoqda «Infocom.uz».

Qarorga muvofiq, «O‘zbektelekom» AJ 2017-yil 1-yanvaridan boshlab ishga tushiriladigan idoralararo tarmoq operatori sifatida tayinlangan. 

«O‘zbektelekom» aksiyadorlik kompaniyasi zamonaviy axborot kommunikatsiya texnologiyalari asosida idoralararo tarmoqni tashkil etib, uni uzluksiz faoliyatini ta'minlashi va rivojlantirishi kerak. 

Bundan tashqari, idoralararo o‘zaro ma'lumot almashishda axborot xavfsizligini ta'minlash va ma'lumotlarni himoya qilish majburiyati ham AJ zimmasiga yuklatilgan.