BAA vitse-prezidenti va bosh vaziri, Dubay amiri Shayx Muhammad bin Rashid Al-Maktum dunyodagi eng katta yopiq park bo‘lmish IMG Worlds of Adventure tekshiruvini shaxsan amalga oshirdi. UAE Inside nashri bu haqida ma'lum qildi.
Taxminan 1 milliard dollarlik qiymatga ega attraksionlar parki 1,5 million kvadrat fut maydonni egallagan, bu esa uni dunyoning eng katta yopiq attraksionlar parkiga aylantiradi.
Dubay amiri parkning rasmiy ochilishida shaxsan qatnashdi.
Dubayning turizm va ko‘ngilochar maskanlari safiga qo‘shiluvchi bu ulkan inshoot Shayx Muhammadga manzur bo‘ldi. Aynan shu sektorlar BAAning iqtisodiy taraqqiyotida yetakchi hisoblanadi.
