Kun fotosi: Taqdirga tan bergan buqa matador qarshisida

Ispaniyalik mashhur rassom Goyi sharafiga nomlangan Goyyesk shahridagi korrida vaqtida olingan surat. Unda matadorning harakatlarini beparvo kuzatib turgan, unga tashlanishni istamay turgan buqa hamda o‘z maqsadini amalga oshirish uchun o‘zini ming ko‘yga solayotgan matador tasvirlangan.

Bugun Ispaniyada minglab odamlar poytaxt shahar Madrid ko‘chalariga chiqib, an'anaviy buqa jangini, shu jumladan, korridani to‘xtatishni talab qildi.

Norozi fuqarolar buqa janglari beshafqatlik maktabi hamda millat uchun sharmandalik ekani ta'kidlangan shiorlarni ko‘tarib chiqishgan.

Iyunda Kastiliya va Leon hukumatlari buqalarni festivallarda o‘ldirishni taqiqlab qo‘ygandi. Biroq shunga qaramay Ispaniyada har yili 2 mingga yaqin shunday janglar uyushtiriladi.