Facebook Messenger dasturi onlayn-to‘lovlarni amalga oshirish imkoniyatini kiritmoqchi, deb xabar bermoqda Reuters axborot agentligi.
Bu haqda Facebook vitse-prezidenti Devid Markus ma'lum qildi.
TechCrunch Disrupt anjumanida Markus kompaniya PayPal, Visa, MasterCard va American Express to‘lov xizmatlari bilan ushbu masala bo‘yicha muzokaralar olib borayotganini ma'lum qildi.
Iyul oxirida Facebook Messenger’ning har oylik auditoriyasi 1 mlrd foydalanuvchiga yetgani ma'lum qilingandi.
