Milliy statistika qo‘mitasi ma’lum qilishicha, 2026 yil 1 iyul holatiga respublikada har 1 000 nafar aholi hisobiga o‘rtacha 32 ta tadbirkorlik sub’yekti to‘g‘ri keladi.
Hududlar kesimida eng yuqori ko‘rsatkich Toshkent shahrida qayd etilgan bo‘lib, bu yerda har 1 000 nafar aholiga 50 ta tadbirkorlik sub’yekti to‘g‘ri keladi.
Keyingi o‘rinlarda Xorazm viloyati - 46 ta, Sirdaryo viloyati - 41 ta, Navoiy viloyati - 38 ta hamda Jizzax va Buxoro viloyatlari - 35 tadan ko‘rsatkich bilan joylashgan.
Shuningdek, Toshkent viloyatida har 1 000 nafar aholiga 33 ta, Andijon viloyatida 32 ta, Qoraqalpog‘iston Respublikasida 30 ta tadbirkorlik sub’yekti to‘g‘ri keladi.
Reytingning keyingi pog‘onalaridan Farg‘ona va Samarqand viloyatlari (27 tadan), Qashqadaryo va Namangan viloyatlari (26 tadan) o‘rin olgan. Eng past ko‘rsatkich esa Surxondaryo viloyatida qayd etilgan bo‘lib, har 1 000 nafar aholiga 24 ta tadbirkorlik sub’yekti to‘g‘ri keladi.
Milliy statistika qo‘mitasi qayd etishicha, keltirilgan raqamlar yaxlitlangan hisoblanadi.
