Foto: Xitoyda bir dengiz ikki rangda

Xitoyning Shansi viloyatidagi sho‘r suvli Yanxu ko‘li ikki xil rangli suv havzasiga aylandi.

TJournal nashri keltirgan suratda avtoyo‘l bilan ajralgan Yanxu ko‘lining bir qismi pushti rangga kirganini ko‘rish mumkin.

Suv rangining o‘zgarishiga havzani qizil rangli ko‘rinishga keltira oladigan Dunaliella salina mitti suv o‘tlari sabab bo‘ldi. 

Ma'lumot uchun, Yanxu dunyodagi eng yirik 3 sho‘r suvli ko‘ldan biri hisoblanadi va «Xitoy O‘lik dengizi» nomini olgan.

Bu ko‘l dunyoda yagona pushtirang suv havzasi emas. Dakar shimoli-sharqidagi Retba, Qrimdagi Sassiq Sivash, G‘arbiy Avstraliyadagi Hilliyer ko‘llari ham turli sabablarga ko‘ra pushtirangda.