BP Shimoliy dengizda 95 tonna neft suvga oqib ketgani haqida ma'lum qildi

Britaniyaning British Petroleum neftegaz kompaniyasi o‘z rasmiy saytida ma'lum qildiki, Shimoliy dengizdagi Clair platformasida texnik nosozlik tufayli ulkan miqdorda neft oqib ketgan.

Qayd etilishicha, suvga 95 tonna neft tushgan.

Kompaniya ma'lumotiga ko‘ra, neft oqishi 1 soat ichida to‘xtatilgan.

Aniqlik kiritilishicha, bu platforma Shetland orollaridan 75 km shimolda joylashgan va suvga oqqan neft quruqlikdan shimolga qarab harakatlanmoqda.