Xiaomi tinimsiz yangi gadjyetlarni taqdim etishda davom etmoqda. Joriy oyda ularning yangi qurilmasi mittigina Little Square kamerasi va MI Music Alarm Clock budilnigidir. Kamera web-kamera vazifasini bajara oladi va xonalarda videokuzatuvni amalga oshirishi mumkin.
Xiaomi Little Square 1/2.7 dyuym optik formatdagi CMOS matritsa, F/2.0 diafragma va 110 darajali ko‘rish burchagiga ega bo‘lib, Full HD videoni suratga olish qobiliyatiga ega, harakat va tovushga ta'sir ko‘rsata oladi, 9 metrgacha bo‘lgan masofadan qorong‘ulikda ko‘ra oladi. Videoyozuvlarni saqlab qolish uchun 64 GBgacha bo‘lgan hajmdagi microSD xotira kartasi mavjud, ularni uzatish uchun esa — Wi-Fi modul ham bor.
Surat va videolarni Android 4.0 OT (undan yuqori bo‘lganlar ham) va iOS 7.0 boshqaruvi ostidagi mobil qurilmalar qabul qila oladi. 50×50×56 mm o‘lcham va 100 gramm og‘irlikdagi mini-kamera tutun detektori bilan birga aqlli uy tizimining bir qismiga aylanishi mumkin.
10 000 mAch sig‘imli akkumulyator 12 soatli to‘xtovsiz ish jarayoniga yetadi, portativ akkumulyator orqali zaryadlash mumkin.
Xiaomi Little Square sotuvga 22 noyabrdan boshlab 15 dollar qiymatida chiqariladi.
Xiaomi MI Music Alarm Clock raqamli budilnigi uxlayotgan insonlarga baland tovushlar bilan zarar yetkazmaslik uchun belgilangan vaqtda eng past ovozda ovoz chiqaradi va sekin uni kuchaytirib boradi. 30 dollarli gadjyetda uch musiqa avtomatik o‘rnatilgan, biroq Bluetooth 4.1 orqali smartfon yoki istalgan qurilmaga ulangan holda sevimli treklar og‘ushida uyg‘onish mumkin. Bu borada Xiaomi qurilmasini karnay sifatida ham ishlatish mumkin. Budilnik korpusida faqat birgina tugma bo‘lib, u vaqt va ovoz balandligini sozlash uchun mo‘ljallangan, dumaloq indikatorda sonlar bilan faqat soat aks etadi, daqiqalar esa nuqtalarda harakatlanadi.
To‘liq zaryadlangan 2 600 mAch sig‘imli akkumulyator 15 kunli avtonom ish va 60 foizli ovoz balandligida 8 soat musiqa tinglashga yaraydi.
