«Zenit» «Dandolk»ni yengdi va guruhda birinchi o‘rinni kafolatladi

Yevropa Ligasi guruh bosqichining 4-turida D guruhidan joy olgan «Zenit» jamoasi Sankt-Peterburgda irlandlarning «Dandolk» jamoasini qabul qilib, 2:1 hisobida g‘alaba qozondi.

Birinchi bo‘lim oxirida mezbonlar Julianoning aniq zarbasi evaziga oldinga chiqib oldi. Mehmonlar 54-daqiqada hisobni tenglashtirishga erishdi, gol muallifi himoyachilarning qo‘pol xatosidan foydalangan Deril Xorgan bo‘ldi. U bu vaziyatda darvozabon bilan yakkama-yakka vaziyatga chiqqandi. «Zenit» o‘yinning qolgan qismida ham maydonda to‘liq ustunlik ko‘rsatdiva bu hisobda ham aks etdi: 78-daqiqada Juliano dublni rasmiylashtirdi.

Guruhdagi ikkinchi uchrashuvda «Makkabi» (Tel-Aviv) va «AZ Alkmar» 0:0 hisobidagi durangni qayd etdi.

Endilikda «Zenit» 4 uchrashuvda 4 g‘alaba qayd etgan holda muddatidan oldin guruh masalasini hal qildi. Endi qolgan uchrashuvlarda qanday natijalar qayd etilishidan qat'i nazar birinchi o‘rindan tushmaydi.

D guruhi. 4-tur
Zenit (Sankt-Peterburg, Rossiya) – Dandolk (Dandolk, Irlandiya) – 2:1
Gollar: Juliano, 42 (1:0); Xorgan, 52 (1:1); Juliano, 78 (2:1).
Zenit – Kerjakov, Anyukov, Netu, Lomberts (Jirkov, 89), Krishito, Juliano, Vittsel, Maurisio, Kokorin, Kerjakov (Jorjyevich, 90), Shatov (Mak, 68).
Dandolk – Rojyers, Gennon, Gartlend, Boyl, Messi, Shilds, Mauntni (O`Donnell, 46), Finn, Makileni (Shilz, 83), Xorgan, Makmillan (Kildaff, 65).
Ogohlantirishlar: Krishito, 41; Lomberts, 86 – Finn, 43; Gartlend, 71; Makeleni, 81; O'Donnell, 88.

Makkabi T-A (Tel-Aviv, Izrail) – AZ Alkmar (Alkmar, Niderlandy) – 0:0
Makkabi Tel-Aviv – Raykovich, Dasa, Ben Xaim, Tibi, Ben Xarush (Rikan, 71), Medunyanin, Alberman, Skarone, Mixa (Benayun, 81), Kyartansson (Igebor, 72), Ben Xaim.
AZ Alkmar – Rochet, Yoxansson, van Eyden (Myuren, 55), Vlar, Xaps, Lyukkassen, Vyuytens, Bel Xassani (Souza, 61), Rinstra, Garsiya, Vegorst (Fraydey, 77).
Ogohlantirishlar: Tibi, 45; Dasa, 50; Kyartansson, 69; Benayun, 85 – Lyukkassen, 54; Yuxansson, 87.

D guruhida 4-turdan keyingi vaziyat: 1. «Zenit» — 12 ochko; 2. «Dandolk» — 4; 3. «Makkabi» T-A — 4; 4. «AZ Alkmar» 2.