Avstriyadagi prezidentlik saylovlarida kim g‘alaba qozongani ma'lum bo‘ldi

Foto: © RIA Novosti

“Yashillar” partiyasining sobiq yetakchisi Aleksandr Van der Bellen o‘ta o‘ngchi raqibi Norbert Xofer ustidan g‘alaba qozondi. Bu haqda Reuters Avstriya IIV rasmiy xabariga asosan xabar bergan.

Yakuniy natijalarga ko‘ra, Van der Bellen saylovchilarning 53,8, Xofer esa 46,2 foiz ovozini olgan.

Ma'lumot uchun, Avstriya sudi iyulda mamlakatda 22 may kuni o‘tkazilgan prezidentlik saylovi natijalarini bekor qildi. Shu sababdan davlat prezidenti saylovlarining ikkinchi turi o‘tkazildi.