Fransiyaning yangi bosh vaziri sifatida ilgari mamlakat IIVda rahbar sifatida ishlagan Bernar Kaznyov faoliyat yuritadigan bo‘ldi. Bu haqda Yelisey saroyida hukumat rahbari Manyuel Vals iste'foga chiqqach, ma'lum qilingan.
Valsning hukumat rahbarligidan ketish niyati rasmiy ravishda 5 dekabr kuni ma'lum qilindi. O‘shanda u 2017 yilda o‘tadigan Fransiya prezidenti saylovida o‘z nomzodini ilgari surishini aytib o‘tgan. Vals hukumat rahbarligidan ketar ekan butun diqqat-eʼtiborini Sotsial partiyada bo‘ladigan praymeriz oldidan saylovoldi kampaniyasiga qaratadi. Sotsialchilar praymerizi 2017 yilning yanvar oyida o‘tkaziladi, deyiladi xabarda.
Vals bosh vazir sifatida 2014 yilning mart oyidan ish boshlagan, Jan-Mark Eyroning o‘rniga kelgan edi. Vals vazirlar mahkamasini ikki marta shakllantirishga ulgurgan.
Bernar Kaznyov Fransiyaning amaldagi prezidenti Fransua Ollandning yorqin tarafdorlaridan biri hisoblanadi. U 2012 yildan boshlab hukumatning turli lavozimlarida ishlab kelgan, shuningdek, byudjyetga javobgar bo‘lgan. 2014 yilning aprel oyidan mamlakat IIV rahbari sifatida faoliyat yuritib kelayotgan edi.
