Bryuno Le Ru Fransiya IIVning yangi rahbari bo‘ldi

Foto: AP

Fransiya ichki ishlar vazirligining yangi rahbari sifatida Milliy yig‘ilishdagi sotsialistlar fraksiyasi yetakchisi Bryuno Le Ru tayinlandi. Bu haqda mamlakat prezidenti matbuot-xizmati xabar bermoqda.

BFM-TV telekanalining ma'lum qilishicha, barcha muhim vazirlar o‘z joylarini saqlab qolishadi, ammo kichik almashinuvlar sodir bo‘ladi. Fransiya hukumatining yangi tarkibi yaqin vaqtlar ichida e'lon qilinadi.

Avvalroq, Fransiyaning yangi bosh vaziri sifatida ilgari mamlakat IIVda rahbar sifatida ishlagan Bernar Kaznyov faoliyat yuritishi ma'lum qilingan edi.

#Fransiya #IIV #Bryuno Le Ru

Kun.uz yangiliklarini Google News'da kuzating

+ Obuna bo'lish