Monterey Bay Aquarium Research tadqiqot instituti mutaxassislari noyob dengiz ximera-balig‘ini ilk bora tasvirga tushirishga muvaffaq bo‘lishdi. Arvoh-akula nomi bilan mashhur bo‘lgan ushbu jonivorlar kemirchakli baliqlar turiga kiradi. Video National Geographic saytida chop etilgan.
Jonivor Kaliforniya qirg‘oqlariga yaqin suvlarda suvosti uskunasi yordamida, ikki kilometr chuqurlikda videoga tushirildi. Mutaxassislarning xulosasiga ko‘ra, bunday turdagi jonivorlar ushbu hududda juda kamdan-kam hollarda uchraydi. Video tahlili esa bu Hydrolagus trolli ekanini ko‘rsatib bergan. Unga moviy rang xos bo‘lib, jonivor asosan Avstraliya va Yangi Zelandiyaga yaqin suvlarda yashaydi.