Keyingi mavsumda APLning yangi yil taqvimi hozirgidan ham «dahshatli» bo‘ladi

Daily Mail xabariga ko‘ra, 2017-2018 yilgi mavsum taqvimining qoralama variantida 17 kun ichida 6ta tur o‘tkazilishi nazarda tutilgan. Uchrashuvlar 16, 20, 23, 26 va 30 dekabr, shuningdek, 1 yanvar kunlarida bo‘lib o‘tishi mo‘ljallangan.

Xabarda yozilishicha, Rossiyada o‘tkaziladigan 2018 yilgi Jahon chempionati (turnir 14 iyun kuni boshlanadi) tufayli Premer-liga o‘yinlarni ertaroq yakunlashni rejalashtirmoqda. Shu orqali futbolchilar mundialga tayyorlanish uchun ko‘proq vaqtga ega bo‘lishi maqsad qilingan.

Angliya Kubogining may oyida o‘tkaziladigan final uchrashuvi esa tur o‘yinlariga xalaqit bermaydigan maxsus kunga belgilanadi.

«Lester», «Everton» va «Tottenhem» klublarining sobiq futbolchisi Gari Lineker esa yangi mavsum uchun taqvim rejasiga shunday munosabat bildirgan: «Menimcha, bu aqldan emas. Aqldan ozishmoqda».