Akfa, Artel va Mediapark qandolat va makaron mahsulotlarini ishlab chiqaruvchi fabrikalar ochadi

Akfa top-menejyerlari o‘z faoliyatlarini diversifikatsiya qilish dasturi doirasida qandolat va makaron mahsulotlari ishlab chiqarishni yaratish bo‘yicha yirik loyihani amalga oshirishga kirishishdi.

Ma'lum bo‘lishicha, Akfa, Artel, MEDIAPARK kompaniyalarining 60ta top-menejyeridan iborat ishchi guruhi tashkil etilib, ular O‘zbekistonda qandolat va makaron mahsulotlarini ishlab chiqaruvchi fabrikalarni ochish bo‘yicha rejani amalga oshirish maqsadida birlashgan.
Ayni damda Germaniya, Daniya, Shveytsariya, Avstriya va Italiyadan bo‘lgan yetakchi kompaniyalar bilan muzokaralar olib borilmoqda. Ular bu sohalardagi eng zamonaviy asbob-uskunalar bilan mashhur bo‘lib, bu mahsulotning yuqori sifatini ta'minlash hamda qandolat mahsulotlari ishlab chiqaruvchi dunyo kompaniyalari bilan raqobat qilish imkonini beradi.

Barcha asbob-uskunalar, texnologiyalar Yevropada xarid qilinadi, va bu mingdan ortiq ish o‘rinlarini yaratish imkonini beradi. U yerda bizning hamyurtlarimiz mehnat qilishadi hamda ular bu zamonaviy texnologiyalarni o‘zlashtirib, mamlakat va O‘zbekistondan tashqarida sotiladigan eng yuqori sifatli mahsulotlarni ishlab chiqarishadi.

Ayni damda Belarusning «Kommunarka» kompaniyasi bilan kelishuvga erishilgan. U shokolad va konfet mahsulotlari ishlab chiqarishda katta tajribaga ega bo‘lib, qandolat mahsulotlari ishlab chiqarishni tashkil etishda texnologik ko‘mak berishga tayyor. Bunda barcha ishlab chiqariladigan mahsulot faqatgina iste'molchilar talabiga javob beruvchi tabiiy mahsulotlar bo‘ladi.

Ishchi guruhining 10 nafar vakili ayni damda Yevropada ishlamoqda hamda mashhur kompaniyalarda muzokaralar va taqdimotlar o‘tkazmoqda. Ularning maqsadi loyihani amalga oshirishga sheriklarni izlash va jalb etish, qo‘shma korxona yaratish va ularning investitsiyasini mamlakat iqtisodiyotiga jalb etishdan iborat.

Shu bilan bir qatorda, ishlab chiqarish dasturini yaratish, O‘zbekiston va xorij bozoriga davlatimiz iqtisodiy siyosatidagi eng ustuvor vazifalardan biri bo‘lgan - import o‘rnini bosuvchi yuqori sifatli keng assortimentga ega tabiiy mahsulotni olib chiqishni 2022 yilgacha 6 yil davomida amalga oshirish rejalashtirilgan. Ilk mahsulot esa 2018 yilning boshida taqdim etiladi.

Yangidan tashkil etilgan kompaniya mahsulot sifati va rejalashtirilayotgan hajmga ko‘ra shunday ishlab chiqarishni yaratmoqchiki, u nafaqat Markaziy Osiyo mintaqasi, balki MDH davlatlari orasidagi eng kattasi bo‘ladi.

Shu kunlarda ishchi guruh tomonidan rejalashtirilgan vazifalarni amalga oshirish doirasida respublikaning yetakchi banklari bilan yana tashkil etilayotgan xolding uchun qulay bo‘lgan shartlarda kredit manbalarini taqdim etish hamda loyiha bosqichlarini amalga oshirish uchun bo‘lajak hamkorlik bo‘yicha muzokaralar olib borilmoqda. U eng zamonaviy deb ko‘rilmoqda va iqtisodiyotimiz uchun katta rivojlanish dinamikasini beradi.

Bir so‘z bilan aytganda, kuchli va tajribali hamda o‘ta zamonaviy texnologiyalarda ishlab chiqarishni tashkillashtirish bilan bog‘liq murakkab vazifalarni bajarishga qodir bo‘lgan jamoa jahon standartlari darajasidagi qandolat va makaron mahsulotini ishlab chiqarish sohalarida o‘z so‘zini aytishi aniq.

Biz ularga mamlakatimiz manfaati yo‘lida muvaffaqiyat va omad tilab qolamiz.

Reklama huquqi asosida.