Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
Дубайда 63 ёшли аёл қиз фарзандни дунёга келтирди
00:21 / 21.02.2017
10492

Дубайда 63 ёшли аёл соғлом қиз фарзандни дунёга келтирди. Бу ҳақида GulfNews нашрида хабар берилди

Бола якшанба куни эрталаб туғилган бўлиб, унинг вазни 2,25 килограммни ташкил қилган. 

Шифокорнинг сўзларига кўра, аёл ҳомиладорликнинг 32-ҳафтасида шифохонага жойлаштирилган. Унга Ҳиндистонда ЭКУ амалиёти ўтказилган. Ҳомиладорлик даврида аёлнинг соғлиғида кўплаб муаммолар юзага келган. 

Чақалоқнинг ота-онаси (ота - 61 ёшда, она 63 ёшда) ўз исми шарифини ошкор қилишни исташмади. Шунга қарамай, аёл улар қиз фарзандли бўлганидан жуда хурсанд эканликларини яширмади. 

Шифохонадан олинган маълумотларга кўра, аёлнинг аввалги оиласидан икки нафар катта ёшли фарзанди бор. 

Ҳозирда бола интенсив терапия бўлимига ўтказилган, унинг аҳволи ижобий баҳоланмоқда. Онанинг аҳволи ҳам жуда яхши бўлиб, уларнинг яқин кунларда оиласи бағрига қайтиши мумкинлиги маълум қилинди. 


Улашинг
Top