Teleboshlovchi va shoumen Davron Kabulov o‘zining Instagram sahifasi orqali O‘zbekiston MTJni Jahon chempionatiga olib chiqa olishi mumkinligini aytib o‘tdi.
“Murabbiylik tajribam yo‘qligini yuzimga solishmasa, “qo‘ng‘iroqlar” bilan tarkib tanlashga aralashishmasa, O‘zbekiston MTJni JChga olib chiqa olaman. Tekinga – pul kerakmas”, degan “Million” jamoasi boshlovchisi Davron Kabulov.
4 yil vatanim uchun oyliksiz ishlashga tayyorman. “Boshlovchiligingni qilsang-chi”, degan gaplarga shoshilmang: termamizni shu vaqtgacha Sarkisyan, Mirsodiqov, Vega da Silva, Salkov, Nepomnyashiy, Abramov, Qosimov, Babayan kabi “tan olinganlar” boshqardi, olib chiqolmadi JChga.
Hech narsa yo‘qotmaysiz, eplolmasam, 6 marta chiqolmagan mundialga 7 marta chiqmagan bo‘lasiz. Va'damning ustidan chiqsam, tarixda birinchi marta bo‘ladi. Jiddiy aytyapman. Agar natija oldingilaridan yomon bo‘lsa, yashab turgan uyimni o‘rtaga tikishga tayyorman!”, deb yozadi Kabulov.
