“Elektron parlament” tizimi qachon joriy etiladi?

2017 yil 21 aprel kuni Toshkent shahrida “Harakatlar sarhisobi: 2017 yil 1 chorak yakunlari” anjumani bo‘lib o‘tmoqda.

Unda Oliy Majlis Senati raisi o‘rinbosari Svetlana Ortiqova, Qonunchilik palatasi Spiker o‘rinbosari Sarvar Otamurodov, “Taraqqiyot strategiyasi” Markazi Ijrochi direktori Akmal Burxanov, qator vazirlik va idoralar rahbarlari va ularning o‘rinbosarlari ishtirok etdi.

Anjumanda “Elektron parlament” tizimi haqida ham to‘xtalib o‘tildi. 

Qonunchilik palatasi Spiker o‘rinbosari Sarvar Otamurodovning qayd etishicha, bu boradagi qonun loyihasi yil oxiriga rejalashtirilgan bo‘lib, bugungi kunda Qonunchilik palatasi va Axborot texnologiyalari va kommunikatsiyalarini rivojlantirish vazirligi, boshqa idoralar bilan ishchi guruhi tashkil etilgan. Ayni kunda qonun loyihasi bo‘yicha ish olib borilmoqda hamda xorijiy tajriba o‘rganilmoqda.

Ta'kidlanishicha, bugungi kunda “Elektron parlament”, ya'ni elektron tizim ishga tushib bo‘lgan. Yangi sayt yil boshidan ishga tushirildi hamda bu aholi murojaatlari bilan ishlashda yanada qulaylik tug‘diradi.