O‘zbekistonda 5 yil ichida 73ta avtoshohbekat quriladi

2022 yilgacha O‘zbekiston bo‘ylab 73 ta avtoshohbekat va bitta avtovokzal quriladi va qayta tiklanadi. 

O‘zbekiston hukumatining 25 apreldagi qarori (PDF) bilan 2017–2021 yillarda avtovokzallar va avtoshohbekatlarni qurish va qayta tiklash parametrlari tasdiqlangan. 

Ko‘rsatilgan davr mobaynida 27 ta yangi avtoshohbekat quriladi va yana shunchasi qayta tiklanadi (Jizzaxdagi avtovokzal ham hisobga olinsa, jami 74 obekt). Bu yo‘lovchi tashish xavfsizligi va xizmat ko‘rsatish darajasini oshirib, harakatlarning uzluksizligini ta'minlaydi.

Avtoshohbekatlarni modernizatsiya qilishning umumiy qiymati 23,429 mlrd. so‘mga baholanmoqda, bu holda 9,915 mlrd. so‘m mahalliy byudjyetlar hisobidan va 8,359 mlrd so‘m bank kreditlari evaziga qoplanadi.

Jumladan:
Qoraqalpog‘istonda — 3 ta avtoshohbekat qayta tiklanadi;
Andijon viloyatida — 4 tasi qayta tiklanib, bitta yangisi quriladi;
Buxoro viloyatida — 7 avtoshohbekat qayta tiklanadi;
Jizzax viloyatida — avtovokzal va 2 avtoshohbekat qayta tiklanib, bitta yangisi quriladi;
Qashqadaryo viloyatida —3 ta avtoshohbekat qayta tiklanib, shuncha yangisi quriladi;
Navoiy viloyatida — 3 ta yangisi qurilib, bittasi qayta tiklanadi;
Namangan viloyatida — oltita yangisi qurilib, 2 tasi qayta tiklanadi;
Samarqand viloyatida — 7 ta yangi avtoshohbekat quriladi;
Sirdaryo viloyatida — bittasi qayta tiklanib, bitta yangisi quriladi;
Surxondaryo viloyatida — 2 tasi qayta tiklanib, 3 ta yangisi quriladi;
Toshkent viloyatida — 7 ta avtoshohbekat qayta tiklanib, ikkita yangisi quriladi;
Farg‘ona viloyatida — 6 ta yangisi quriladi;
Xorazm viloyatida —  4 ta yangi avtoshohbekat barpo etiladi.

Qarorga ko‘ra, O‘zbekistonda jahonning yetakchi kompaniyalari bilan hamkorlikda yo‘lovchi mikroavtobuslari ishlab chiqarishni tashkillashtirish takliflarini tezlashtirish masalasi nazarda tutilgan.

Vazirlar mahkamasi rejalaraga ko‘ra, joriy yilda butun mamlakat bo‘ylab 13 obektda, 2018 yilda - 19, 2019 yilda - 16, 2020 yilda - 21 va 2021 yilda - 5 obektda bu boradagi ishlar olib boriladi. Ishlarning umumiy qiymati 23,4 milliard so‘mdan oshadi. Pul vositalarining aksariyat qismi - 9,9 milliard so‘m mahalliy byudjyet tomonidan ajratiladi, yana 8,3 milliardi - tijorat banklari va 5,1 foizi - loyiha tashabbuskorlari tomonidan moliyalashtiriladi.