Taniqli siyosatshunos Zbignev Bjyezinskiy vafot etdi

AQShda 39-prezident Jimmi Karterning milliy xavfsizlik bo‘yicha maslahatchisi, taniqli siyosatshunos Zbignev Bjyezinskiy 89 yoshida vafot etdi.

Bu haqda uning qizi Mika xabar bergan.

«Mening otam bugun kechqurun olamdan o‘tdi», - deya yozdi u Instagram’da.

Bjyezinskiy milliy xavfsizlik bo‘yicha maslahatchi lavozimini 1977-1981 yillarda egallagan.

So‘nggi yillarda Vashingtondagi xalqaro va strategik tadqiqotlar Markazi kuzatuv kengashi hamraisi edi.

Bjyezinskiy «Buyuk shaxmat taxtasi: Amerikaning yetakchiligi va uning geostrategik talablari» kitobi muallifi edi.