A Seriyada mavsum yakuni. «Roma» YeChL guruh bosqichida, «Napoli» pley-offdan boshlaydi

Italiya A Seriyasining so‘nggi tur o‘yinlari 28 may kuni o‘tkazildi va mavsum yakunlandi.

«Yuventus» bir tur avval chempionlikni qo‘lga kiriib bo‘lgandi. Massimiliano Allegri «Bolonya»ga qarshi oxirgi tur o‘yinida asosan zaxira tarkibini maydonga tushirdi. Bellashuvning so‘nggi daqiqasidagi g‘alaba goli 2000 yilda tug‘ilgan italiyalik hujumchi Moyze Kin tomonidan urildi. U 21 asrda tug‘ilib, A Seriya o‘yinida gol urgan ilk futbolchiga aylandi.

«Roma» oxirgi tur o‘yinida YeChLga to‘g‘ridan-to‘g‘ri yo‘llanmani hal qildi. Franchesko Tottining xayrlashuv uchrashuviga aylangan «Jyeona»ga qarshi bahsning oxirgi daqiqasida Diyego Perotti g‘alaba golini urdi. Bu g‘alaba rimliklarga ikkinchi o‘rinni egallashni ta'minladi. Oxirgi turda ham «Sampdoriya»ga qarshi o‘yinda ishonchli g‘alabaga erishgan «Napoli» (4:2) «Roma»dan bir ochkoga ortda qoldi va keyingi mavsumda YeChL guruh bosqichida o‘ynash uchun pley-off bosqichida qatnashadigan bo‘ldi.

Mavsum yakuni tarixiy voqeaga to‘g‘ri keldi - Franchesko Totti Rimni tark etdi. «Jyenoa»ga qarshi o‘yin uchun chiptalar bir kunda sotib bo‘lindi. Muxlislar «Jyenoa» bayramni buzmasligiga umid qilishdi, yakunda ishonchlar oqlandi, bir tur avval A Seriyada qolish masalasini hal qilib bo‘lgan «Jyenoa»ga ochko kerak emasdi va Totti jamoani g‘alaba bilan tark etadigan bo‘ldi. 

«Atalanta» mavsumni kuchli to‘rtlikda yakunladi. Beshinchi va oltinchi o‘rinlarni egallagan «Latsio» va «Milan» klublari ham bu jamoa bilan birga Yevropa Ligasida to‘p suradi («Milan» saralashda qatnashadi). «Inter» va «Fiorentina» mavsumni muvaffaqiyatsiz yakunladi. «Empoli», «Peskara» va «Palermo» oliy divizionni tark etdi.

«Krotone» so‘nggi turda «Latsio» ustidan qozonilgan g‘alaba evaziga A Seriyada jon saqlab qolishga muvaffaq bo‘ldi. 1 aprel kuni bu jamoa 18-o‘rinda 17-o‘rindagi «Empoli»dan 8 ochko orda edi. O‘tgan turlar davomida bu jamoa faqat «Yuventus»ga mag‘lub bo‘ldi va «Empoli» bilan oradagi farqni bitta ochkogacha qisqartirdi. Oxirgi turda «Empoli» o‘z o‘yinida g‘alaba qozonsa, «Krotone» qanday natija qayd etishidan qat'i nazar jamoa 17-o‘rinda qolardi. Ammo jamoa bu vazifani uddalay olmadi, ligani allaqachon tark etib bo‘lgan «Palermo» bu jamoani 2:1 hisobida mag‘lub etdi va o‘zi bilan birga quyi divizionga olib tushib ketdi.

Italiya A Seriyasi
38-tur o‘yinlari
27 may, shanba

«Bolonya» — «Yuventus» 1:2
Gollar: Safir Tayder, 52 (1:0). Paulo Dibala, 70 (1:1). Moyze Kin, 90+4 (1:2).

«Atalanta» — «Kevo» 1:0
Gol: Alehandro Gomes, 52 (1:0).

28 may, yakshanba

«Kalyari» — «Milan» 2:1
Gollar: Joao Pedro, 17 (1:0). Janluka Lapadula, 72-pen (1:1). Fabio Pisakane, 90+3 (2:1).
Noaniq penalti: Karlos Bakka, 63 (M).
Chetlatish: Gabriel Paletta, 75 (M).

«Roma» — «Jyenoa» 3:2
Gollar: Petro Pellegri, 3 (0:1). Edin Djyeko, 10 (1:1). Daniele De Rossi, 74 (2:1). Darko Lazovich, 79 (2:2). Diyego Perotti, 90 (3:2).
Roma – Shchensni, Ryudiger, Manolas, Fasio, Emerson (Mariu Ruy, 18), Strotman, de Rossi, Saloh (FRANCheSKO TOTTI, 54), Naynggolan, Al-Sha'roviy (Perotti, 69), Djyeko.
Jyenoa – Lamanna, Biraski, Munos, Xentiletti, Lazovich, Kofi, Velozu, Laksalt, Xilemark (Kataldi, 56), Pellegri (Ntcham, 69), Palladino (Ninkovich, 50).
Ogohlantirishlar: Perotti (90), Djyeko (90).

«Sampdoriya» — «Napoli» 2:4
Gollar: Dris Mertens, 36 (0:1). Lorentso Insine, 42 (0:2). Marek Hamshik, 49 (0:3). Fabil Kvalyarella, 51 (1:3). Xose Kallejon, 65 (1:4). Rikardo Alvares, 90 (2:4).

«Inter» — «Udineze» 5:2
Gollar: Eder, 5 (1:0). Ivan Perishich, 18 (2:0). Martselo Brozovich, 36 (3:0). Eder, 54 (4:0). Andriya Balich, 76 (4:1). Gabriele Anjyella, 78-avt (5:1). Duvan Sapata, 90+3 (5:2).

«Krotone» — «Latsio» 3:1
Gollar: Andrea Nalini, 14 (1:0). Diyego Falchinelli, 22 (2:0). Chiro Immobile, 26-pen (2:1). Andrea Nalini, 60 (3:1).
Chetlatish: Bashtush, 42 (L).

«Torino» — «Sassuolo» 5:3
Gollar: Lukas Boye, 6 (1:0). Gregore Defrel, 14 (1:1). Daniele Baselli, 22 (2:1). Gregore Defrel, 40 (2:2). Lorentso De Silvestri, 45+1 (3:2). Yago, 57 (4:2). Andrea Belotti, 79 (5:2). Gregore Defrel, 81-pen (5:3).

«Fiorentina» — «Peskara» 2:2
Gollar: Janluka Kaprari, 15 (0:1). Jan-Kristof Baebek, 65 (0:2). Rikkardo Saponara, 66 (1:2). Matia Vecino, 85 (2:2).
Chetlatish: Federiko Keza, 38 (F).

«Palermo» - «Empoli» - 2:1
Gollar: 1:0 – 76 Nestorovski, 2:0 – 84 Bruno Enrike, 2:1 – 87 Krunich.