Totti futbolchilik faoliyatini yakunladi. Rim o‘z imperatoriga bosh egdi

Italiya «A» Seriyasining so‘nggi, 38-turi doirasida «Roma» o‘z maydonida — Rimdagi muhtasham «Olimpiko» stadionida «Jyenoa»ni qabul qildi va 3:2 hisobida g‘alaba qozondi. Ushbu g‘alaba chempionat yakuni bo‘yicha «Roma»ga ikkinchi o‘rinni taqdim etdi va «jallorossi» kelgusi mavsumda Yevropa chempionlar Ligasini guruh bosqichidan boshlaydi.

Uchrashuvda eng esda qolarli jihat «Roma»ning YeChLning to‘g‘ridan-to‘g‘ri yo‘llanmasini qo‘lga kiritgani emas, uning «abadiy» sardori Franchesko Tottining 54-daqiqada Muhammad Salohning o‘rniga maydonga tushirilishi bo‘ldi.

Bu 41 yoshga yaqinlashayotgan Franchesko Tottining «Roma» safidagi so‘nggi uchrashuvi edi.

Keling, bu buyuk futbolchi haqida balandparvoz maqtovlardan ko‘ra, biroz quruq statistikaga murojaat qilsak.

Franchesko Totti «Roma» tarkibida:

25 mavsum;
786 o‘yin o‘tkazdi.
307 ta gol muallifi bo‘ldi. Ularning 250 tasi «A» Seriyada kiritilgan
197 ta golga assistentlik qildi.
1 klub.

Tottining so‘nggi o‘yini oldidan Rimning «IL TEMPO» gazetasi 73 yillik tarixida birinchi marta nomini o‘zgartirdi —  «IL TEMPO DI TOTTI» deb.

«Roma»ning so‘nggi o‘yindagi raqibi «Jyenoa» ham Tottiga bag‘ishlangan esdalik liboslari chiqardi.

Roma ham o‘yinda maxsus libosda harakat qildi

Rimdagi jamoat transportlarida «Tashakkur, kapitan» deb yozilgan edi.

Stadionga barcha muxlislar 10 raqami tushirilgan futbolkalarda kelishdi

Yuzlab bannerlar ilindi

Hattoki havodayam «Tashakkur, kapitan» yozuvi parvoz qildi

Totti o‘yinni zaxira o‘rindig‘idan boshladi

...va muxlislarning bunday qo‘llab-quvvatlashidan hayratda qoldi

U o‘z karerasida so‘nggi marta maydonga tushmoqda

Totti o‘yindan so‘ng o‘z ko‘z yoshlarini tiyib tura olmadi…