Xitoyning Hainan Airlines aviakompaniyasi odamlarning e'tiborini tortishning o‘ziga xos yo‘lini topdi. Kompaniya samolyot bortlarida yo‘lovchilarga xizmat ko‘rsatadigan xodimalar va uchuvchilar uchun maxsus kiyimlar dizayni e'lon qilindi. Laurens Xu tomonidan ishlangan liboslar dizayni g‘arb va sharq uyg‘unligida namoyon bo‘lgan. Aviakompaniya modalar taqdimotida qatnashishga ham ulgurgan. Dizayner Xitoy milliy liboslarini Yevropanikiga uyg‘unlashtirib, ko‘pchilikning diqqatini tortdi.
Talabchan aviakompaniya rahbarlari dizayner Xudan 1000dan ziyod eskizlarni qabul qilishgan va shundan keyin shartnoma imzolangan. Hainan Airlines shu yo‘l bilan doimiy bitta aviakompaniya xizmatidan foydalanmaydigan «o‘zgaruvchan» mijozlar e'tiborini tortishni niyat qilgan.
CNN saytida ushbu noodatiy liboslarning fotogalereyasi keltirilgan.
