Alutex O‘zbekiston-Buyuk Britaniya qo‘shma korxonasi 1999 yil tashkil topgan bo‘lib, 2003 yildan MDH davlatlari ichida birinchi bo‘lib alyumin profillar va furnitura ishlab chiqarishni boshlagan. Alyumin profillar ekologik toza, uzoq vaqt xizmat qiladi, olovbardosh, quyosh nuri ostida o‘z shaklini va rangini o‘zgartirmaydi.
Biz zavodni ko‘rishga borib, ishlab chiqarish qanday tashkil etilganini ko‘rdik. Korxona Toshkent shahrining Sergeli tumanida joylashgan.
Ishlab chiqarish besh bosqichdan iborat: metal quyish, ekstruziya, bo‘yash, anodlash yoki dekor, qadoqlash va laboratoriya. Alutex ishlab chiqarish jarayonini to‘liq o‘zi amalga oshiradi.
Ishni boshlash uchun bizga alyumin quymasi kerak bo‘ladi, Alutex dunyodagi eng yirik alyumin qazib oluvchilaridan biri bo‘lgan Rusal korxonasi bilan hamkorlik qiladi. Xom ashyo metal quyish uchastkasiga kelib tushadi. Natijada 6 metr uzunlikdagi, diametri 100 mm – 300 mm alyumin qotishmalari chiqariladi. Zavodda 3 eritish pechkalari ishlatiladi.
Tayyor bo‘lgan qotishma ekstruziya bo‘limiga o‘tadi. Korxona 500dan ortiq profil va mijozlar chizmalariga asosan maxsus profil turlarini chiqarishi mumkin ekan. Ularni ishlab chiqarish uchun 7 press liniyalari tashkil qilingan.
Keyingi bosqichda mahsulotlar bo‘yashga yuboriladi. Korxonada 4 avtomatik bo‘yash liniyalari mavjud. Bo‘yoq sifatida poliyefir asosidagi sifatli chet el emali ishlatiladi. Bunday emal uzoq vaqt xizmat qiladi, ekologik va zararsiz hisoblanadi. Mijozlar xohlagan ranglarni ko‘p turdagi ranglarni RAL katalogi bo‘yicha tanlashligi mumkin.
