Sovetlar Ittifoqi Karib inqirozi davrida Kubada qancha yo‘qotishga uchragani ma'lum bo‘ldi

Rossiya mudofaa vazirligi Karib inqirozining juda keskin paytida Sovetlar Ittifoqi Kubada qancha yo‘qotishga uchragani haqidagi rasmiy ma'lumotlarni taqdim etdi. Ma'lumotlar harbiy mahkama saytida joylashtirilgan.

Vazirlikdan ma'lum qilishlaricha, ma'lumotlar Kubaga Sovetlar Ittifoqining «Anadir» maxfiy amaliyoti doirasida ballistik raketalar yetkazib berilgan kunga 55 yil to‘lishi munosabati bilan oshkor etildi.

«Amaliyot davomida sovetlar harbiy xizmatchilari o‘rtasidagi yo‘qotishlarning aniq soni e'lon qilinmagan. Mudofaa vazirligi ma'lumotlariga ko‘ra, 1962 yilning 1 avgustidan 1964 yilning 16 avgustiga qadar Kubada Sovetlar Ittifoqining 64 nafar fuqarosi halok bo‘lgan», - deyiladi xabarda.

Mahkamadan aniqlik kiritishlaricha, amaliyot Turkiya va Italiyada Amerika raketalarining joylashtirilishi, shuningdek, «Amerikaning Kubaga harbiy yo‘l bilan bostirib kirishi tahdidiga javob chorasi» bo‘lgan.

Joriy yilning iyunida Sovetlar Ittifoqi Hitler urushga tayyorgarlik ko‘rayotganini hujumdan uch oy oldin bilgani ma'lum qilingandi.