13 sentabr kuni Aziz Muhitdinov UZINFOCOM Markazi direktori vazifasini bajaruvchi etib tayinlandi. Bu haqda markaz blogi orqali rasman ma'lum qilingan.
Aziz Muxitdinov bungacha markaz direktorining birinchi o‘rinbosari lavozimida ishlagan. U 2016 yilning noyabridan markazga rahbarlik qilib kelgan Husan Nurillayevich Isayev o‘rnini egalladi.
Aziz Muhitdinov – AKT sohasida boy ish tajribasiga ega o‘z kasbining mutaxassisi. O‘zbekiston aloqa va axborotlashtirish agentligi, «O‘zbektelekom» AK, O‘zbekiston Respublikasi Aloqa, axborotlashtirish va telekommunikatsiya texnologiyalari davlat qo‘mitasi, keyinchalik esa O‘zbekiston Respublikasi Axborot texnologiyalari va kommunikatsiyalarini rivojlantirish vazirligida ish faoliyatini yuritgan. Aziz Muhitdinov UZINFOCOM Markazida joriy yilning may oyidan boshlab direktor birinchi o‘rinbosari lavozimida ish boshlagan.