12:06 / 10.10.2017
10193

Oxirgi Maybach yo‘ltanlamasi 1,2 million yevroga sotildi

Bonhams kim oshdi savdo uyi atigi 99 dona ishlab chiqilgan Mercedes-Maybach G650 Landaulet yo‘ltanlamasining so‘nggi nusxasini sotuvga qo‘ydi. Belgiyalik o‘z nomini oshkor qilmagan xaridor mashinani 1,2 million yevroga xarid qildi. Yo‘ltanlamasning asl qiymati 630 ming yevro bo‘lgani e'tiborga olinsa, kim oshdi savdosida uning qiymati deyarli 2 baravar oshganini anglash qiyin emas.
 
Xayrim kim oshdi savdosining eng qimmat buyumi bo‘lgan mashina Mercedes-Benz G 500 4×42 negizida barpo etilgan. U juft turbo V12 motor bilan jihozlangan bo‘lib, 630 ot kuchi bilan ta'minlaydi. G 500 4×4² «lando» modelidan, shuningdek portal o‘qlari, barcha differensiallarni bloklash va 450 mmli yo‘l-kuzov oralig‘i ham o‘zgarishsiz qoldi. 

Mercedes-Maybach G650 Landaulet orqa o‘rindiqlaridagi yo‘lovchilar haydovchidan shisha to‘siq bilan ajratilgan. Ularning ixtiyorida elektrboshqariluvchi va uqalovchi S-Class o‘rindig‘i, alohida multimedia tizimi displeylari, isitish va sovutish imkonini beruvchi jom qo‘ygich, noutbuk uchun alohida stolcha bor. Yo‘ltanlamas saloniga buzoq terisi va uglerod tolasidan yasalgan jihozlar bilan ishlov berilgan. 

Mercedes-Maybach G650 Landaulet krossoverining birinchi nusxasi 1,3 million yevroga sotilgan edi.

Top