10:00 / 01.11.2017
163771

Shavkat Mirziyoyev soliqchilarga: «4 qavatli uyni oylikdan qurasanmi?» (Video)

Ijtimoiy tarmoqda O‘zbekiston prezidenti Shavkat Mirziyoyevning iyun oyida Farg‘ona viloyatiga amalga oshirgan tashrifi chog‘ida o‘tkazilgan yig‘ilishda soliqchilarni tanqid qilishi tasvirlangan video tarqaldi.

Prezident soliq organlari faoliyatini keskin tanqid qiladi, soha xodimlari orasida o‘z kasbiga noloyiqlar borligini aytadi.

U soliqchilar mas'uliyatsizligi, fidoiylik qilmasligi haqida so‘zlaydi.

«Qani byudjyetning puli? Hammasi cho‘ntakka ketyapti. 3 yil ham ishlamasdan, 4 qavatli uy qurasan hammang, 20ta mashina olasan. Qayerdan bular? Oylikdan olasanmi? Sal insofli bo‘l! O‘g‘ri bo‘l, insofli bo‘l».

Prezident qo‘lida barcha ma'lumotlar mavjudligini aytadi. 

«Odamlarni ishdan olamiz. Bunday odamlar bilan ishlay olmaymiz. O‘tgan kunlar o‘tdi. Endi adolatli bo‘lib ishlash kerak. Mehnat, sadoqat, adolat va yana adolat. Poraxo‘rlik qilinmasayam, xalq boqadi.  

Kerak bo‘lsa, yuz foiz ishdan olamiz. Menga tajribasi kerak emas. Yosh bo‘lsa ham, o‘zini fido qiladigan, sadoqat bilan ishlaydigan odam kerak. Tajribani o‘zim o‘rgataman. Menga sadoqat kerak. Tamom! O‘zini qiynaydigan, Farg‘onani yaxshi ko‘radigan odam kerak», degan prezident.

Mavzuga oid
Top