00:11 / 01.12.2017
12809

Futbol terma jamoalari o‘rtasidagi ilk uchrashuv qachon bo‘lib o‘tganini bilasizmi?

Tarixiy uchrashuv afishasi. Foto: FIFA

Roppa-rosa 145 yil muqaddam, 1872 yil 30 noyabrda futbol terma jamoalari o‘rtasidagi ilk uchrashuv bo‘lib o‘tgan. O‘shanda o‘rtoqlik uchrashuvida Shotlandiya va Angliya termalari bahslashgan. Uchrashuv golsiz durang bilan yakunlangan.

O‘sha vaqtdan to hozirgacha bu ikki terma jamoa o‘zaro 115 marta ro‘baro‘ kelgan. Statistikaga ko‘ra, o‘zaro bahslarda 48 marta inglizlar, 41 marta shotlandlar g‘alaba qozongan. Ularning oxirgi uchrashuvi 2018 yilgi jahon chempionati saralash bosqichida 2017 yil 10 iyunda bo‘lib o‘tgan va 2:2 hisobidagi durang bilan yakunlangan.

1 dekabrda JCh-2018 final bosqichiga qur'a tashlash marosimi bo‘lib o‘tadi. Jamoalar savatchalarga FIFAning 2017 yil oktabrdagi reytingiga ko‘ra taqsimlanganlar. Qizig‘i, musobaqaga mezbonlik qiluvchi Rossiya terma jamoasi jahon chempionatida ishtirok etuvchi jamoalar orasida eng past reytingga ega.

 

Top