Video: Dunyodagi eng baland Lego minorasining qurilishi 

Isroil poytaxti Tel-Avivda Lego bolalar konstruktoridan dunyodagi eng baland «minora» qurildi, uning uchun 500 mingdan ortiq detallar talab etildi. Bu haqdagi video YouTube’da e'lon qilingan.

«Minora»ning balandligi deyarli 36 metrni tashkil etdi, bu esa 12 qavatli uy bilan barobar degani. Minora quruvchilari o‘tgan yili Germaniyada o‘rnatilgan 35,47 metrlik avvalgi rekordni yangilashdi.

Loyiha Tel-Aviv munitsipaliteti tomonidan tashkillashtirildi, u Lego’ning katta ishqibozi, sakkiz yoshida saraton tufayli hayotdan ko‘z yumgan Omer Sayaguga bag‘ishlandi. Minorani qurishda minglab mahalliy fuqarolar qatnashgan.