17:30 / 18.01.2018
37879
Президент топшириғи билан махсус ҳукумат комиссияси тузилди

Бугун, 18 январь куни Қозоғистоннинг Ақтўбе области Ирғиз райони ҳудудида “Икарус” русумли йўловчи автобуси ёниб кетди ва йўловчиларнинг 52 нафари ҳалок бўлди, 5 киши омон қолди. Ўзбекистон Республикаси Фавқулодда вазиятлар вазирлиги маълумотига кўра, фожиа оқибатида ҳалок бўлганлар орасида Ўзбекистон фуқаролари ҳам бор.

Kun.uz манбаси маълумот беришича, Ўзбекистон Республикаси президенти Шавкат Мирзиёев топшириғи билан бош вазир раҳбарлигида махсус ҳукумат комиссияси тузилган. Унинг таркибидан Ташқи ишлар вазирлиги, Фавқулодда вазиятлар вазирлиги, Ички ишлар вазирлиги, Соғлиқни сақлаш вазирлиги ва бошқа муассасалар вакиллари ўрин олишган.

Махсус комиссияга Қозоғистон вакиллари билан ҳамкорликда Ақтўбедаги ҳодиса сабабларини ўрганиш ҳамда ҳалок бўлганларнинг фуқаролигини аниқлаш ишлари вазифа қилинган.

Мавзу
Ақтўбеда фожиа

Қозоғистонда йўловчи автобуси ёниб кетиши оқибатида камида 52 киши ҳалок бўлди. Улар Ўзбекистон фуқаролари эди

Барчаси
Top