Foto: Tengrinews
Olmaota – Toshkent poyezdining harakatlanish davomiyligi oshadi. Bu haqda Tengrinews.kz xabar bermoqda.
Xabarda aytishicha, Samarqand – Ostona yo‘nalishidagi “Nurli jol” yangi temir yo‘l poyezdi qatnovi ham yo‘lga qo‘yilyapti.
Xabar berilishicha, 2018 yilning 18 martidan 1/2-sonli Olmaota – Toshkent poyezdining harakatlanish davomiyligi haftasiga uch martaga ko‘paytiriladi. Olmaotadan Toshkentga yo‘l yurish vaqti – 17 soatu 17 daqiqa.
Shuningdek, 2018 yilning 1 aprelidan 251/252-sonli Samarqand – Ostona yo‘nalishidagi “Nurli jol” xalqaro poyezdi yo‘lga qo‘yiladi. U haftasiga bir marotaba Ostonadan seshanba kunlari, Samarqanddan esa – yakshanba kunlari harakatlanadi.
