1-oktabrdan Toshkentda jamoat transporti tariflari oʻzgaradi

127 000 soʻm

Alohida safarlar paketlari narxi esa quyidagicha belgilangan:

10-martalik - 19 000 soʻm;

20-martalik - 38 500 soʻm;

30-martalik - 57 500 soʻm.

Bir soat ichida transport almashtirish tartibi

Transport kartasidan foydalanib, bir soat ichida bir avtobusdan boshqasiga oʻtilganda birinchi avtobus uchun 2 500 soʻm, ikkinchisi uchun 1 500 soʻm toʻlanadi. Uchinchi va keyingi avtobuslarda qatnov bepul boʻladi.

Avtobus va metro birgalikda qatnashgan tariflarda toʻlov transportga chiqish ketma-ketligiga qarab belgilanadi. Avtobusdan boshlangan safarda birinchi avtobus uchun 2 500 soʻm, metro uchun 1 500 soʻm, ikkinchi avtobus uchun 1 500 soʻm undiriladi. Uchinchi va keyingi avtobuslarda toʻlov olinmaydi.

Safar metrodan boshlansa, metro uchun 2 500 soʻm, undan keyingi birinchi va ikkinchi avtobuslarning har biri uchun 1 500 soʻmdan toʻlanadi. Uchinchi va keyingi avtobuslar bepul boʻladi.

Bir soatlik hisob davri birinchi transportda toʻlov amalga oshirilgan vaqtdan boshlanadi. Ushbu tarif doirasida metrodan faqat bir marta foydalanish mumkin. Metroga ikkinchi marta kirilganda 60 daqiqalik hisob davri yangidan boshlanadi.

Kimlarga 50 foiz chegirma beriladi?

Qarorda oʻquvchilar, talabalar, nafaqaxoʻrlar va nogironligi boʻlgan shaxslar belgilangan transport tarif paketlarini xarid qilganda 50 foiz chegirma qoʻllanishi nazarda tutilgan.

Shuningdek, qonunchilikka muvofiq jamoat transportidan bepul foydalanish huquqiga ega shaxslarning ushbu huquqi saqlab qolinadi.

Qaror 2026-yil 1-oktabrdan kuchga kiradi.