Foto: AFP
Senegal janubi-g‘arbida, sohil yaqinida armiya vertolyotining qulashi oqibatida 13 kishi bedarak yo‘qolgan, 7 kishi qutqarib qolingan. Bu haqda mahalliy Senego axborot portali ma'lum qildi.
Voqea Fatik viloyatidagi Missira qishlog‘i yaqinida yuz bergan. Portal ma'lumotlariga ko‘ra, vertolyot bortida 20 kishi – 16 yo‘lovchi va ekipajning 4 a'zosi bo‘lgan. Hukumat ma'lumotlariga ko‘ra, 7 kishini suvdan chiqarib olishga muvaffaq bo‘lingan. Qolgan 13 kishining taqdiri noma'lumligicha qolmoqda.
Voqea yuz bergan hududda qidiruv-qutqaruv operatsiyasi olib borilmoqda.
