Keniyada shimol oq karkidonining eng oxirgi erkak vakili vafot etdi. U 45 yoshda edi.
Sudan ismli karkidon oxirgi vaqtlarda o‘zini juda yomon his qilgan va qo‘riqxona vakillari jonivorni qiynalishdan xalos qilish maqsadida unga ukol qilishgan. Birozdan so‘ng Sudanning joni uzilgan.
Sudan qo‘riqxonadagilar tomonidan juda qattiq qo‘riqlanardi. Brakonerlar hujumidan asrash maqsadida karkidonning shoxlari kesib tashlangandi. Uning tanasiga radiuzatkichlar joylashtirilgan bo‘lib, ular jonivorga tug‘ilgan xatardan ogoh qilardi.
Sudan 2014 yilda San-Diyegodagi qo‘riqxonada Angalifu nomli erkak karkidon o‘lganidan keyin Yer yuzidagi yagona erkak oq karkidon bo‘lib qolgandi.
«Ol Pejeta’dagi barchamiz Sudanning o‘limidan qayg‘udamiz. U o‘z turining ajoyib vakili edi. Biz endi butun dunyo e'tiborini karkidonlar naqadar ayanchli ahvolga tushib qolganiga qaratmoqchimiz, bu insonning vayronakor faoliyati tufayli yuz berdi», - deya ma'lum qildi qo‘riqxona bosh direktori Richard Vin.
Endi butun sayyora bo‘ylab bu turdan ikkita urg‘ochi qoldi: Sudanning qizi va nabirasi - Najin hamda Fatu. Bu esa yana bir noyob tur yo‘qolib ketish arafasida turganini bildiradi.
Qo‘riqxonaning xabar berishicha, turni davom ettirishga yagona umid qolgan urg‘ochilar tuxumhujayradan foydalangan holda ekstrakorporal urug‘lantirish yo‘li bilan avlodni ko‘paytirishdir.
Tabiatni muhofaza qiluvchi tashkilotlar Sudanning vafot etishini tabiat uchun katta yo‘qotish deb baholashmoqda.