Azizbek Abdug‘ofurov WBC Silver kamari uchun jangda rossiyalik Dmitriy Chudinovni mag‘lub etdi
Toshkentda WBC Silver kamari uchun 76,2 kg vazn toifasida o‘tgan 12-raundlik jangda o‘zbekistonlik Azizbek Abdug‘ofurov WBA’ning sobiq vaqtinchalik chempioni, rossiyalik Dmitriy Chudinovni ochkolar bo‘yicha mag‘lub etdi.
Jangda Chudinov 1-raqamli bokschi bo‘lib harakat qilgan bo‘lsa-da, Abdug‘ofurov raqibidan tezroq, aniqroq va turfaroq harakat qilib, haqli ravishda g‘alabani qo‘lga kiritdi.
Ushbu jang Chudinov uchun oxirgi o‘tqazgan 3 ta jangidagi 2-mag‘lubiyati bo‘ldi.
26 yoshli hamyurtimiz Abdug‘ofurov hisobida 11 ta g‘alaba (4 ta nokuat bilan) bor va birorta mag‘lubiyat yo‘q. Azizbek havaskor boksda O‘zbekistonning 3 karra chempioni, Butunjahon universiadasi finalchisi va jahon chempionati chorakfinalchisi hisoblanadi. Professional boksda 2016 yil may oyidan Malayziyaning Vladimir Boxing Gym promouterlik kompaniyasi bilan hamkorlikda ishtirok etib keladi.