Mundialni kutib. Taniştiruv: Misr

Uşbu guruhda 3-tur arafasida öyinlarning barçasi durang bilan yakunlangan va oxirgi öyinlardagi natijalar guruh ğoliblarini aniqlab berardi. Qiziği, tört jamoaning bir xil natija va oçko bilan teng bölib qoliş ehtimoli ham katta edi. Niderlandiya va Irlandiya narigi juftlikda 1:1 öynaşdi, Misr esa, Angliyaga kiçik hisobda yutqazib qöydi. Ian Raytning birgina goli öyin natijasini ham, guruh taqdirini ham hal qildi.

Şu şu Misrni biz katta maydonlarda körmadik. Misrning ötgan 28 yilda mundialsiz qolişini aslida mamlakatdagi futbolning pasayişi bilan boğlaş ham qiyin. Sababi, misrliklar Afrikada yetakçilikni saqlab turişdi, mana şu ötgan davrda Misr tört marta Afrika çempioniga (şundan 3 marta ketma-ket, bu ham Afrika uçun rekord natija) aylandi. Bu davrda heç qaysi jamoa bunça köp ğolib çiqmagan. Umuman Afrika kubogi tarixida ham Misrning ğalabalari soni eng köp – 7 marta. Ikkinçi poğonadagi Kamerun hisobida 5ta çempionlik bor xolos.

Saralaş bosqiçi

Misr Braziliyada ötgan mundial yöllanmasini qölga kiritişga ham juda yaqin bölgandi. Yagona yöllanma uçun raqobatçi bölgan Jazoir bilan Misrning barça körsatkiçlari teng bölib qoldi va omadli jamoa qöşimça uçraşuvda aniqlanişi közda tutilgandi. Bu öyin 1:0 hisobida jazoirliklarning ğalabasi bilan yakunlangan.

Lekin bu safar avvalgi xatolar takrorlanmadi va Uganda, Kongo va Gana terma jamoalari bilan kuraşilgan hal qiluvçi bosqiçning dastlabki turlaridanoq misrliklar jiddiy maqsadlari borligini isbotladilar.

Misrning Kongoga qarşi öyinning 90+5 daqiqasida penaltidan gol urib, jahon çempionati yöllanmasiga ega bölgani videosi butun internet böylab tarqalgandi. Köpçilik öşa gol Misr taqdirini hal qilgan deb öylasa-da, aslida unday emas. Töğri, aynan öşa Salohning ğalaba goli Misrga yöllanmani naqd qildi, ammo agar öşa penalti noaniq bajarilib, öyin durang bilan yakunlangan taqdirda ham Misrda yana bir uçraşuv bor edi. Ya'ni, öşa gol tufayli Misr muddatidan oldin yöllanmaga ega bölgandi xolos.

Murabbiy: Ektor Kuper

62 yoşli argentinalik murabbiyni köpçilik yaxşi biladi. Ayniqsa, uning 2000 yillardagi «Valensiya»si Yevropani zir titratgan, qatorasiga ikki marta Yevropa Çempionlar Ligasi finaliga çiqqandi. Bu finallarni «Valensiya» «Real» va «Bavariya»ga boy bergan bölsa-da, jamoaning kamtar byudjyeti va örtaça tarkibi uçun bu natijaning özi ham katta ğalaba, tabiiyki, murabbiyning ulkan xizmati edi. Öşa örtamiyona futbolçilar aynan Kuper davridagi yorqin yillar tufayli futbol yulduzlariga aylanişdi. Ektor Kuper Ispaniyada  eng yaxşi murabbiy sifatida e'tirof etildi. Aynan öşa yillari poydevor qöyilgan tarkib esa, bir neça yil ötib, Rafa Benites boşçiligida Ispaniya çempioniga aylandi.

Kuperni keyin «Inter»ga taklif qilişdi. Aslida Kuper davrida nihoyat «Inter» Skudetto uçun kuraşadigan darajaga qaytgan bölsa-da, tan oliş kerak, «Valensiya»dagi yorqin jamoa hosil bölmadi. Massimo Moratti uni iste'foga çiqardi. Ektor Kuperni keyinçalik Yevropada köproq «Malorka» murabbiyi sifatida kördik – Ispaniyaning kamtarona jamoasi Kuper boşçiligida yevrokuboklarga yöl olib, UYeFA kubogi finaligaça çiqib borgandi. Demak, Kuper uçun kamtarona tarkibga ega bölgan tarkib bilan bir boş baland sakraş qulayroq. Aytiş mumkinki, Misrda ham undan xuddi şu vazifani kutişmoqda.

Kuper Misrga 2015 yilda keldi va terma jamoa birdaniga yangi öt olgan maşina singari harakatlana boşladi. Uşbu murabbiy qöl ostida Misr barqaror va işonçli jamoaga aylandi, muxlislar murabbiyni yoqtirib qolişdi. Masalan, Kuper qöl ostida Misr 36 öyindan 9tasida mağlubiyatga uçradi. Top terma jamoalar uçun bu yomondir, ammo Misr kabi örtamiyonalar uçun bu juda yaxşi natija. Bu mağlubiyatlarning aksariyati örtoqlik öyinlarida bölganini ham ta'kidlaş kerak.

Hozirgi Misr

Ektor Kuper boşçiligidagi bugungi Misr köproq himoyaviy va qarşi hujumlarga asoslangan futbol namoyiş etmoqda va köp jihati bilan öşa 2001 yildagi «Inter»ni eslatib yuboradi. Bu taktika özini oqlaşi mumkin, çunki Muhammad Saloh va Ramazon Subhi kabi tezkor futbolçilarga ega bölgan jamoa raqiblari hujum qilayotganda ham himoyani unutmasliklari şart bölib qoladi.

Tabiiyki, Misrning asosiy kuçi sifatida Muhammad Salohni yana bir bor eslaş kerak. Bu inson butun Misr xalqini futbolga, sportga qiziqtirayotgani, şaxsiyati atrofida ijobiy muhitni yaratayotgani ham sir emas. Salohning soç turmagi Misrning faxriga aylangan, har bir misrlik bolakay unga öxşaşni, ulğayganda u kabi öynaşni orzu qilmoqda. Muhammad Saloh nomini misrliklar Ramzes, Kleopatra va Tutanxamon bilan bir qatorda tilga olayotganliklariga nima deysiz?

Sababi bor albatta, Saloh sönggi ikki yilda katta ösişga erişdi va uşbu mavsumda «Oltin töp»ning asosiy da'vogarlaridan biri hisoblanadi. Saralaş öyinlarida ham aynan Saloh terma jamoani öz yelkasida kötarib çiqdi. Kongo, Gana va Uganda bilan öyinlarning har birida Salohning gollari Misrga ğalaba keltirdi.

Afsuski, YeÇL finalidagi köngilsiz hodisa Misrning çempionatni biroz xavotir bilan kutib olayotganliklariga sabab böldi. Ramos bilan töqnaşuvda Saloh yelkasidan jarohat oldi. Avvaliga futbolçining uç oyga, keyinroq esa, uç haftaga safdan çiqqanini ayta boşlaşdi va katta ehtimol bilan u dastlabki turni ötkazib yuborişi taxmin qilinayotgandi. Ammo Saloh hozir tarkibda va uni dastlabki öyindayoq tayyor holga keltirişga qattiq harakat qilişmoqda. Töğri, sönggi tayyorgarlik bosqiçida Salohning jamoadoşlari bilan birga bölmagani baribir öz salbiy ta'sirini ötkazişi ham mumkin.

Aytiş kerakki, Salohdan taşqari ham Misr tarkibida Yevropada taniqli bölgan futbolçilarni uçratiş mumkin. «Arsenal» yarim himoyaçisi Muhammad El-Nenni, Ramazon Subhi («Stok Siti»), Ahmad Xassan («Braga»), Ahmad Xegazi («Vest Bromviç») va Ahmad Al Muhammadi («Aston Villa») kabi futbolçilar şular jumlasidandir.

Kuper uçun yana bir muammo sifatida jahon çempionatining Ramazon oyida boşlanişi tilga olinmoqda. Misrning Rossiyadagi ilk öyini şu oyga töğri keladi va tarkibdagi bir qator futbolçilar röza tutgan bölişlari mumkin.

YaKUNIY TARKIB
Darvozabonlar:
1. Essam Al-Xadari («Al-Taavon», Saudiya Arabistoni), 23. Ahmad El-Şenavi, 16. Şerif Akrami (ikkisi – "Al-Ahli")
Himoyaçilar: 7. Ahmad Fatxi ("Al-Ahli"), 3. Ahmad El-Muhammadi ("Aston Villa", Angliya), 13. Muhammad Abdul-Şafi («Al-Fateh», Saudiya Arabistoni), 6. Ahmad Xegazi,
2. Ali Gabr (ikkisi — «Vest Bromviç», Angliya), 4. Omar Gaber («Los-Andjyeles Gelaksi», AQŞ), 20. Saad Samir, 12. Ayman Aşraf (ikkisi — «Al-Ahli»), 15. Mahmud Hamdi El-venş («Zamalek»)
Yarim himoyaçilar: 17. Muhammad El-Neni («Arsenal», Angliya), 19. Abdalla El-Said («KuPS», Finlyandiya), 18. Mahmud Fadlalla «Şikabala» («Al-Raed», Saudiya Arabistoni), 14. Ramazon Subhi («Stok Siti», Angliya), 8. Tariq Hamid («Zamalek»), 22. Amr Varda («Atromitos», Gretsiya), 5. Sem Morsi («Uigan», Angliya), 11. Mahmud Abdul-Moneym Qahrabo («Al-Ittihod», Saudiya Arabistoni), 21. Mahmud Trezege Hassan («Qosimpoşa», Turkiya)
Hujumçilar: 10. Muhammad Saloh («Liverpul», Angliya), 9. Marvan Muhsin («Al-Ahli»)

E'tibor beriş kerak: Ramazon Subhi

Şu oyning oxirida 21 yoşga töladigan yarim himoyaçi «Al Ahli» klubi tarbiyalanuvçisi hisoblanadi. U 2014 yilgaça 8 yil uşbu klub akademiyasida tahsil olgan va öşa yili, 17 yoşda katta futbolda debyut qilgandi.

2016 yilda u «Stok Siti» nazariga tuşdi va uning transfer summasi 5 million yevroni taşkil qildi. Yoş futbolçi sönggi ikki mavsumda yetarliça öyinlarda Angliya futboli tempiga doş berdi. Uning hisobida bir gol ham bor.

Terma jamoa safida esa, Subhi 2015 yilda debyut qilgan. Ança tezkor va yaxşi texnikaga ega bölgan, asosan çap qanotda harakat qiladigan futbolçi oldingi çiziqda Saloh bilan yaxşigina tandem hosil qilişi mumkin.

«Stok Siti» bu mavsumda Premer Ligani tark etdi. Subhi agar keyingi mavsumda ham hammaning köz öngida qolişni istasa, mana şu jahon çempionatida özini körsatişi kerak böladi.

JÇ-2018

Misr terma jamoasi jahon çempionatida maydon egalari joy olgan A guruhida bölişadi. Jahon çempionatining ikkinçi uçraşuvi aynan Misr iştirokida bölib ötadi. 15 iyun kuni Yekaterinburgda misrliklar Urugvayga qarşi maydonga tuşişadi. Rossiyaga qarşi öyin 19 iyun kuni Sankt Peterburgga möljallangan bölsa, oxirgi tur 25 iyun kuniga belgilangan. Saudliya Arabistoniga qarşi arab derbisini körmoqçi bölganlar öşa kuni Volgogradga yetib borişlari kerak.

Qahramon Aslanov tayyorladi