Andijon viloyati hokimi Shuhratbek Abdurahmonov ommaviy axborot vositalari vakillari bilan uchrashuv o‘tkazdi.

Televideniye, radio, bosma va internet nashrlari xodimlari bilan bo‘lgan muloqot davomida viloyat rahbari O‘zbekiston Respublikasi Prezidenti Shavkat Mirziyoyev raisligida 4 iyul kuni yoshlar bilan manzilli va tizimli ishlash, ular uchun munosib sharoitlar yaratish, bandligini ta'minlash masalalariga bag‘ishlangan videoselektor yig‘ilishida qo‘yilgan vazifalar, “Obod qishloq”, “Har bir oila – tadbirkor” davlat dasturlari ijrosi bo‘yicha amalga oshirilayotgan va ushbu dasturlar bo‘yicha kelajakda amalga oshirilishi rejalashtirilayotgan ishlar yuzasidan jurnalistlar bilan suhbatlashdi.

Bundan tashqari, uchrashuvda O‘zbekiston Respublikasi Prezidenti Shavkat Miromonovich Mirziyoyev tomonlaridan joriy yilning 27 iyun kuni qabul qilingan “Yoshlar — kelajagimiz” Davlat dasturi ishlash mexanizmi, viloyatda ushbu dastur bo‘yicha rejalashtirilayotgan loyihalar yuzasidan ham savollarga javob berib o‘tdi.    

Elmurod Ermatov, Andijon
KUN.UZ muxbiri