Tramp Air Force One bortida CNN translyatsiyasini ko‘rib, qattiq g‘azablangan - OAV

AQSh prezidenti Donald Tramp Air Force One samolyoti bortida CNN telekanali translyatsiyasini ko‘rib, darg‘azab bo‘ldi, deb yozmoqda The New York Times gazetasi.

Hodisa Donald va Melanya Trampning xorijiy tashriflaridan birida yuz bergan, deya aniqlik kiritadi gazeta. AQShning birinchi xonimi odatda tomosha qiladigan televizor CNN translyatsiyasiga sozlangan bo‘lgan.

Ta'kidlanishicha, Tramp har bir safarda boshqa telekanal - Fox translyatsiya qilishiga oid qoida buzilgani uchun o‘z xodimlaridan g‘azablangan. NYT’ning eslatishicha, Tramp Fox’ni ma'qul ko‘radi, CNN’ni esa «fake news» deb ataydi. Gazetaning ta'kidlashicha, bu o‘z navbatida Air Force One bortida «bir qadar tushunmovchilikni» keltirib chiqardi.

Amerikalik amaldorlarning o‘zaro yozishmasida bildirilishicha, birinchi raqamli bortda televizorlar bundan keyin Fox telekanaliga sozlangan bo‘ladi, bu «standart operatsion jarayonga» aylanadi.