Test sinovlari munosabati bilan Samarqand shahrining harakat cheklanadigan ko‘chalari e'lon qilindi

Samarqand shahridagi oliy ta'lim muassasalariga o‘qishga kirish uchun Davlat test sinovlari o‘tkazilishi munosabati bilan jamoat tartibini saqlash va yo‘l harakati xavfsizligini ta'minlash maqsadida shahardagi ayrim ko‘chalarda transport vositalari harakati vaqtincha cheklanadi. 

Unga ko‘ra, joriy yilning 1-15 avgust kunlari soat 06:00dan 20:00gacha Samarqand shahrining quyidagi ko‘chalarida transport vositalarining harakati chegaralanadi:

  -Ro‘dakiy ko‘chasining Bo‘stonsaroy ko‘chasidan Dahbed ko‘chasi kesishmasigacha;

  -Dahbed ko‘chasining Ro‘dakiy ko‘chasidan Ibn Sino ko‘chasi kesishmasigacha.