Ektor Kuper Toshkentga yetib keldi

Futbol bo‘yicha Misr terma jamoasining sobiq bosh murabbiyi, argentinalik mutaxassis Ektor Kuper Toshkentga yetib keldi. Bu haqda Kun.uz axborot manbasi xabar qilmoqda.

Ma'lum bo‘lishicha, Ektor Raul Kuper bortida bo‘lgan samolyot bugun tongda, soat 06:10da “Islom Karimov” nomidagi Toshkent xalqaro aeroportiga kelib qo‘ndi.

Toshkent xalqaro aeroportida 62 yoshli mutaxassisni kutib olish marosimi tashkil etildi. Bugun soat 15:00da Milliy Olimpiya qo‘mitasi anjumanlari zalida Ektor Kuperni muxlislarga tanishtirish marosimi hamda u bilan matbuot anjumani tashkil qilinadi.

Eslatib o‘tamiz, Ektor Kuper bundan buyon O‘zbekiston milliy terma jamoasini boshqaradi.