Surxondaryoda er rashk tufayli xotinini qasddan o‘ldirdi

2018 yil 8 sentabr kuni soat 07:30larda Surxondaryo viloyati, Uzun tumani, Navro‘z mahallasida yashovchi fuqaro U. (1976 yilda tug‘ilgan erkak kishi) yashash uyida turmush o‘rtog‘i Q. (1981 yilda tug‘ilgan ayol kishi) bilan rashk negizida o‘zaro janjallashib, oshxona pichog‘i bilan uning ko‘krak qafasi sohasiga bir necha marotaba urib, qasddan o‘ldirgan.

Bu haqda Bosh prokuratura matbuot xizmati xabar bermoqda.

Mazkur holat yuzasidan tuman prokuraturasi tomonidan U.ga nisbatan O‘zbekiston Respublikasi Jinoyat kodeksining 97-moddasi 1-qismi bilan jinoyat ishi qo‘zg‘atilib, tergov harakatlari olib borilmoqda.