«AGROS HAYOT» sug‘urta kompaniyasi o‘zining 2 yilligini nishonlamoqda! 

Mazkur sug‘urta kompaniyasi yurtimizdagi eng yirik sug‘urta tashkiloti -«O‘zagrosug‘urta» AJ tomonidan ta'sis etilgan bo‘lib, hayotni sug‘urta qilish tarmog‘ida I, II, III va IV-klasslar hamda umumiy sug‘urta tarmog‘ida 1 va 2-klasslar bo‘yicha ixtiyoriy va majburiy sug‘urtani amalga oshirish bilan shug‘ullanadi. 

«AGROS HAYOT» sug‘urta kompaniyasi mamlakatimizda yetakchi sug‘urta kompaniyalar 10taligida muntazam ravishda yuqorilab bormoqda. Shu bilan birga, hozirda kompaniya tomonidan, o‘z faoliyati doirasiga kiruvchi yangidan yangi va mijozlar uchun qulay bo‘lgan sug‘urta mahsulotlarini joriy etish bo‘yicha ishlar olib borilmoqda. Shu kunlarda kompaniya, o‘zining “To‘g‘ri Nishonlaymiz” deb nomlangan xayriya aksiyasini e'lon qildi va bu tadbir Toshkent viloyatining Oqqo‘rg‘on tumanidagi 78-imkoniyati cheklangan aqli zaif bolalar maktab-internatida bo‘lib o‘tdi. Tadbirdan maqsad maktab-internatida tarbiyalanuvchi 270 nafar imkoniyati cheklangan o‘quvchilarni maktab anjomlari bilan ta'minlash edi. O‘tkazilgan xayriya tadbirida hech bir qatnashchi sovg‘asiz qolmadi, barcha bolalar bayram nashidasidan bahramand bo‘ldilar.

«AGROS HAYOT» sug‘urta kompaniyasining tajribali mutaxassis va iqtidorli yoshlardan iborat bo‘lgan jamoasi o‘zining shu kabi xayrli va natijali ishlarini davom ettirish niyatida.