2019 yil uchun davlat statistika hisoboti shakllari tasdiqlanadi 

Normativ-huquqiy hujjatlar loyihalari muhokamasi portalida O‘zbekiston Respublikasi Davlat statistika qo‘mitasining “2019 yil uchun davlat statistika hisoboti shakllarini tasdiqlash to‘g‘risida”gi qarori loyihasi joylashtirildi.

Hujjat bilan 2019 yil uchun davlat statistika hisoboti shakllari tasdiqlanishi mumkin.

Ushbu qaror kuchga kirgan kundan boshlab quyidagilar o‘z kuchini yo‘qotgan deb hisoblanadi:

O‘zbekiston Respublikasi Davlat statistika qo‘mitasining 2017 yil 9 noyabrdagi 6-mb-son “2018 yil uchun davlat statistika hisoboti shakllarini tasdiqlash to‘g‘risida”gi qarori;

O‘zbekiston Respublikasi Davlat statistika qo‘mitasining 2018 yil 20 fevraldagi 1-mb-son ““2018 yil uchun davlat statistika hisoboti shakllarini tasdiqlash to‘g‘risida”gi qarorga o‘zgartirish va qo‘shimchalar kiritish haqida”gi qarori;

O‘zbekiston Respublikasi Davlat statistika qo‘mitasining 2018 yil 16 apreldagi 3-mb son “2018 yil uchun davlat statistika hisoboti shakllarini tasdiqlash to‘g‘risida”gi qarorning 6-ilovasiga o‘zgartirish kiritish haqida”gi qarori;

O‘zbekiston Respublikasi Davlat statistika qo‘mitasining 2018 yil 30 maydagi 4-mb-son “2018 yil uchun davlat statistika hisoboti shakllarini tasdiqlash to‘g‘risida”gi qarorning 99-ilovasiga o‘zgartirish kiritish haqida”gi qarori.

Ushbu qaror 2019 yil 1 yanvardan kuchga kirishi mo‘ljallangan.