Toshkent viloyatining Yangiyo‘l shahrida jinoyat yuz berdi. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar qilmoqda.
Ma'lum bo‘lishicha, shu yil 22 iyul kuni noma'lum shaxs tuman Tibbiyot birlashmasi hududidan umumiy qiymati 6 mln. 230 ming so‘mlik bo‘lgan temir quvurlarini kesib o‘g‘irlab ketgan. Holat yuzasidan jinoyat ishi qo‘zg‘atilgan.
Ko‘rilgan choralar natijasida ushbu jinoyatni Yangiyo‘l tumanida yashovchi muqaddam sudlangan M.M. sodir etganligi aniqlanib ushlandi.
