Andijon viloyatida uch xil turdagi shprits ishlab chiqaruvchi vodiyda yagona korxona ish boshladi

Andijon tumani, “Jyevachi” qishlog‘ida uch xil turdagi shprits, yurak-qon tomirlari kasalliklari, oshqozon kasalliklariga qarshi tabletka va kapsula ko‘rinishidagi dori ishlab chiqaruvchi “Makrofarm Andijon” korxonasi ishga tushdi.

Loyihaga asosan korxonada yiliga 120 million dona tibbiyot uchun kerakli bo‘lgan anjom ishlab chiqarilib, mahsulotning 20 foizi eksportga yo‘naltiriladi. Zamonaviy texnologik uskunalar bilan jihozlangan maskanda 120 ta yangi ish o‘rni yaratilgan. Issiqxonalar tashkil etilib unda dorivor o‘simliklarni yetishtirish yo‘lga qo‘yildi.

Shu yil Prezidentimizning Andijon viloyatiga qilgan tashrifi davomida to‘rtta ana shunday yirik sanoat korxonalarining taqdimoti o‘kazilgan edi.  4-5 oktabr kunlari ana shu korxonalar o‘z faoliyatini boshladi. Ushbu korxonalar tomonidan 2000 ga yaqin yangi ish o‘rinlari yaratildi.

Jumladan Jalaquduq tumanida “Gret Rich” MChJ tomonidan 1,3 mlrd.so‘m investitsiyalarni mablag‘lar o‘zlashtirilib,120 nafar, Paxtaobod tumanida “Texno mebel” MChJ tomonidan 5,1 mlrd.so‘m investitsiyalarni mablag‘lar o‘zlashtirilib, 300 nafar ayollar ish bilan ta'minlandi. Andijon shahrida zamonaviy turdagi plastik profil eshik va rom mahsulotlari ishlab chiqarish yo‘lga qo‘yildi. Ushbu loyiha "Engelberg" MChJ tomonidan 5,6 mlrd.so‘m investitsiya kiritilishi hisobiga amalga oshirilib, 110 nafar yangi ish o‘rinlari yaratildi.

Korxonalar ochilish marosimlarida viloyat hokimi Shuhratbek Abdurahmonov ishtirok etdi.

                                                                                                Elmurod Ermatov, Andijon  
KUN.UZ muxbiri