Qoʻshimcha funksionallar
-
Tungi ko‘rinish
O‘smirlar Olimpiadasida navbatdagi kumush medal qo‘lga kiritildi
Argentina poytaxti Buenos-Ayres shahrida o‘tayotgan III yozgi o‘smirlar Olimpiya o‘yinlarida baydarka va kanoeda eshkak eshish bahslari o‘z nihoyasiga yetdi. Ushbu bahslarda O‘zbekiston sharafini himoya qilgan Islomjon Abdusalomov delegatsiya hisobiga navbatdagi kumush medalni qo‘shib qo‘ydi.
Kanoening yakkama-yakka bahslarida qatnashgan Islomjon dastlab saralash bahslarida muvaffaqiyatli qatnashdi. Chorak finalda Vengriya, yarim finalda Chexiya vakillarini ortda qoldirdi. Hal qiluvchi final bahsida esa qozog‘istonlik sportchidan kichik farq bilan ortda qolib, oltin medalni boy berdi.
Bu O‘zbekiston terma jamoasi uchun Argentinadagi Olimpiya o‘yinlarida qo‘lga kiritilgan yettinchi medal bo‘ldi. Delegatsiya jamg‘armasida 2 ta oltin, 3 ta kumush va 2 ta bronza medallari mavjud.
Mavzuga oid
10:39 / 22.10.2018
O‘smirlar Olimpiadasida ishtirok etib qaytgan O‘zbekiston delegatsiyasi tantanali ravishda kutib olindi
16:40 / 19.10.2018
O‘smirlar Olimpiadasi yakunlari. Eng ko‘p medalni O‘zbekiston qaysi sport turlarida qo‘lga kiritdi?
08:13 / 19.10.2018
O‘smirlar Olimpiya o‘yinlari: O‘zbekiston 206 mamlakat ichida 13-o‘rinni egalladi
22:09 / 18.10.2018